المصرى أهووووه

..ممكن يعدى التلاتين ولسه عايش مع أمه وأبوه ومفيش مشكله.
..يشخص المرض ويوصفلك الدوا وبيفهم فى النقاشه والكهربا وتصليح العربيات والطبيخ والسياسه والكوره وهو أبيض يا ورد.
..بيحط الريموت كنترول فى كيس بلاستيك كعاده فرعونيه.
..يقف يتكلم ع الباب نص ساعه بعد إنتهاء الزياره...والسلام.
..لما تفتح عليه المطبخ هتلاقى عنده عشرين برطمان بتاع مربى فاضى بقالهم سنين وما زال مصرا على جمع المذيد.
..بيجى بعد معاده بساعتين ويفتكر إن ده عادى.
..لسه عنده اصرار إنه يتكلم بصوت عالى فى التليفون لما تكون المكالمه دوليه عشان التانى يسمعه.
..بيعتبر نفسه افضل واحد فى الشراء والفصال وبعد كده يكتشف إن الحاجه فى المحل اللى جنبه أرخص من غير فصال.
..بيحتفظ بأكياس محلات اللبس والأحذيه وورق الهدايا تحت مرتبه السرير لسنوات وميستخدمهاش.
..بيشترى قبل الفطار فى رمضان مواد استهلاكيه أصلا موجوده عنده فى البيت لسه ما استخدمهاش.
..بيكون عنده شوايه لوم الرحلات أقصى استخام لها كان مره واحده فى العيد.
..بيفتكر إن أى حد بيشتغل فى الخليج بيغرف فلوس من غير حساب.
..بيكون مشغول بقيمة التيبس أو البقشيش طول العشا يا ترى ربع جنيه والا نص جنيه.
..برده بيتخانق ساعه دفع الحساب بحراره شديده على انه هو اللى لازم يدفع الحساب.
..بيفرش ملايه سرير على طقم الأنتريه عشان يفضل نضيف لما يييجى ضيوف....ومابيشيلهاش لما ييجواااا.